काकवी पासून, बनवतात गुळ, ……….. रावांचे नाव घेऊन, वाटते तिळगुळ.

आजच्या कार्यक्रमात, जमल्या साऱ्या हौशी, ………… रावांचे नाव घेते, डोहाळे जेवणाच्या दिवशी.

मोहरली माझी काया, लागता नवी चाहूल, …………. रावांचे नाव घेते, जड झाले पाऊल.

कुबेराच्या भांडारात हिरे आणि माणकांच्या राशी, ………… रावांचं नाव घेते डोहाळे जेवणाच्या दिवशी.

मायेच्या माहेरी डोहाळे जेवणाचा घाट, …………… रावां चे नाव घेते, केला थाटमाट.

घाट घातला तुम्ही, पुरवायला माझे प्रेमळ डोहाळे, ………….. रावांच्या प्रेम झुल्यावर, घेते मी हिंदोळे.

फुलांचा सुगंध, दरवळलाय अंगणाशी, …………. रावांचे नाव घेते, डोहाळे जेवणाच्या दिवशी.

हिरवी नेसली साडी, भरला हिरवा चुडा, …………… रावांचं नाव घेऊन, शोधते बर्फी की पेढा.

काही शब्द येतात ओठातून, काही येतात गळ्यातून, लग्न असो वा डोहाळे जेवण, ………….. च नाव येतं मात्र माझ्या हृदयातून.

डोहाळे कार्यक्रमासाठी आज फुले मिळाली स्वस्त, …………. रावांचे नाव घ्यायला कारण लाभलेय मस्त.